Sirf Main Hi Tham Sakun Hath Uska,
Mujh par Itni Si Inayat Kardy,

Woh Reh Na Paye Ek Pal Bhi Mere Bina,
Ay Khuda Tu Usko Meri Aadat Si Kardy…..

Sada Muskurate Rahein Yeh Ankhain,
Har Dam Yeh DUA Main Karti Hoon,
Kiya Baat Ha Un Ankhoon Ki,
Jin Ankhoon Pey Mein Marti Hoon….

Mere Pukhta Iradey Khud Meri Taqdeer Badlen Ga.

Mere Hath Nahi Mohtaaj,Qismat Ki Lakeeron Ka.

Musafir to bicharte hain rfaqat kab badlti ha
Mohabbat zinda rehti ha mohabbat kab badlti ha
Tumhi ko chahte hain ham tumhi se pyaar karte hain
Ye hi barson se aadat ha or aadat kab badlti ha…

Tujh ko Paanay Ki Tamanna Kyon Karon
Ho ker Zameen Ki, Aasmaan Ki Chaah Kyon Karon
Main Tujh ko Paanay Ki Tamanna Kyon Karoon
Mujh ko Khabar Hai Judaai Tarpayegi Tujhe Hr Pal
Is hi liye Bata de Main Tujh se Wafa Kyon Karon
Mari Masoomiyat Ko Rab Ne Banaaya Hai Mohabbat Ke liye
Tujhe Chahne Ki Phir Main Khata Kyon Karon

meri zindagi ksi orr ki, mery nam ka koi orr ha
mera aks hai sar-e-aina, pas-e- aina koi orr ha

meri dharkanon main ha chap si, ye judai bhi ha milap si
mujhe kya pata, mery dil bata, mery sath kya koi orr ha…

puchte ho to suno kaise basar hoti ha
rat khairat k sadqe ki sahar hoti ha

sans bharne ko to jina nahin kahte ya rab
dil hi dukhta hai na ab asteen tar hoti ha..

koi chehra hua roshan na ujagar ankhein
aaina dekh rahi thin meri pathar ankhein

le uri waqt ki andhi jinhen apne hamrah
aj phir dhund rahi hain wahi manzar ankhein

hasrat ha tujhe samne baithe kabhi dekhun
main tujh se mukhatib hun tera haal bhi puchun

dil main ha mulaqat ki khwahish ki dabi aag
mehndi laga hathon ko chupa kar kahan rakhun..

tumhari yad k jab zakhm bharne lagte han
kisi bahane tumhen yad karne lagte han

hadis-e-yar k unwan nikharne lagte han
to har harim mein gesu sanwarne lagte han…